大家對估價嘅認識有幾多呢？如果要對住宅、寫字樓、商鋪、工廠大廈、車位或者農地進行價值評估，你又知唔知邊一種嘅類型，難度係最高呢？又有咩因素影響其估值呢？
其實估價難度最高嘅莫過於商鋪物業，因爲差餉物業估價署並冇為非住宅物業提供實用面積資料，所以進行商鋪估價前，要先得到地鋪相關嘅樓契同建築圖則，以確認合法佔用位置，並且量度相應嘅實用面積，過程比較複雜。
分析商鋪呎價時，商鋪嘅位置或者附近行人流量係最關鍵嘅影響因素，即係同一條街嘅兩個商鋪，可基於唔同嘅人流量或貿易性質，係呎價上都會有顯著差異。所以選擇合適嘅成交作參考分析係非常重要嘅過程。例如，評估街市商舖時，都會先盡量揾相同位置附近嘅街市商舖成交作對比。
除此之外，商舖唔同嘅特性亦會影響其價值，包括它i)門面闊度：較闊可擁有更多地方作推廣招徠途人；ii)商舖高度：樓底較高可增設地方作貨倉或存貨嘅用途；iii)商舖布局：較正方嘅店舖相對容易間隔做生意等。
如果你需要對商鋪估價有任何問題，可以向中原測量師行專業估價及產業測量部查詢，請立即致電免費查詢熱線 (852) 2139 6622。
---------------------------------------------------- 想了解更多專業估價及產業測量服務
http://www.centalinesurveyors.com.hk/valuation
歡迎致電：(852) 2139 6622