近日房屋局局長何永賢喺個人社交平台，公布最新「簡樸房」規管制度建議方案。對比2024年12月諮詢期提出嘅建議，有4項主要變動！
一文看清變動內容：
【一】調整登記安排
新方案建議將登記期正式訂為12個月，令市場盡快改善劏房單位嘅居住環境。同時讓社會大眾有更多時間了解簡樸房規管條文，令更多劏房參與登記。
【二】延長寬限期
為咗業主有更充足嘅時間改建劏房同商討租賃安排，新方案建議將寬限期延長至36個月，連同登記期前後合共4年，能夠覆蓋劏房單位現存租約嘅2年首租期同2年續租租期，有4年嘅租住權保障。
已登記但未認證嘅劏房單位，可以喺寬限期內訂立新租約，但為免劏房單位營運者等到最後先進行認證申請，新方案將訂明於寬限期倒數6個月，已登記但尚未取得認證嘅劏房單位，將唔可以再訂立新租約。
如果喺寬限期倒數6個月時仍未取得認證，呢啲租賃亦會被視為終止，相關劏房營運者須向租客賠償3個月租金，或相等於餘下租期嘅租金（以較低者為準）。
【三】放寬窗戶要求
新方案將容許窗戶面向符合法定要求、有進出口嘅四邊圍封天井，同時亦明確居住空間須至少有一扇，不少於0.1平方米嘅可開啟窗戶。
【四】增加可進行認證嘅專業人士範疇
除咗早前建議嘅專業人士外，新增消防及屋宇裝備範疇嘅註冊專業工程師，作為指明專業人士，增加「簡樸房」核證服務供應。
中原測量師行租務管理團隊為業主提供最全面嘅一站式租務管理服務，只需一個價錢，包括管理放租物業、收租管理、代發租單收據、物業續租、解決租務糾紛。達到提升物業價值的目標，讓業主安心賺取投資回報。
歡迎致電(852)2139 6698查詢，或者Click下面我哋網址了解更多！
---------------------------------------------------------------------
租務管理服務
Chill住收租，煩惱Say No！
Email：tenancy@mail.centanet.com | Whatsapp：(852) 5110 7006