直接據為己有？自行變賣或棄置？定係申請變賣令或棄置令呢？
答案當然係申請變賣令或棄置令！當租客欠租，業主用正確法律途徑向土地審裁處申請收回物業，執達吏上門破門收回物業單位之後，其實執達吏就會進行點算工作，觀察單位有冇租客遺留嘅財物，例如傢俬電器、個人物品。執達吏會做一個清單，仔細記錄每一個項目同價值。
呢個時候，業主可以有兩個方案處理租客財物：
【一】申請一個「變賣令」嘅令狀，申請呢個令狀可以將租客物品變賣，然後抵銷租客拖欠嘅租金。
【二】申請「棄置令」，業主可以將一啲冇價值嘅物品，例如舊衫、破舊傢俬、垃圾等棄置。不過「棄置令」同「變賣令」都需要等待七個工作天之後，先可以進行處理租客嘅物品。
特別注意！喺申請令狀之前，業主唔好將租客個人財物胡亂處置。假設業主未經租客同意，或未有令狀之前擅自處理租客財物，有機會租客透過民事訴訟，索償損失。
如果業主對於變賣令或棄置令有疑問，歡迎致電(852)2139 6698查詢。若果遇上租客欠租情況，中原測量師行租務管理亦幫到你！我哋租務管理可以協助業主代收租金、處理屋內保養、解決業主同租客嘅爭拗，協助解決欠租收樓問題、減少業主嘅煩擾。由揾租客到簽妥所有租賃文件，甚至出租後單位狀況，都有專人跟進，提供貼心嘅「全方位」租管服務。
---------------------------------------------------------------------
租務管理服務
Chill住收租，煩惱Say No！
Email：tenancy@mail.centanet.com | Whatsapp：(852) 5110 7006