香港有唔少業主鍾情投資物業，放租賺取租金回報。不過業主喺出租嘅過程中，可能不幸會遇到租客拖欠租金！呢個情況下，為咗保障利益，業主應該向土地審裁處申請收樓令，用正確開法律途徑中止租約、並且收回物業，追討欠租。
整個收樓程序主要分為3個步驟↓↓
【第一步】
業主需要向土地審裁處提交申請通知書，連同已經打咗釐印嘅租約及其他租賃文件到審裁處登記。業主需要將通知書副本寄畀租客，然後連續3日到欠租單位門口貼上通知書副本。完成後數天內業主就需要到土地審裁處宣誓。
【第二步】
申請判決書，大約需要2-3日時間，前提係欠租嘅租客收到申請通知書後7日內冇提出反對。如果租客提出反對，就需要再安排聆訊，大約需要半個月或更長嘅時間。
【第三步】
最後喺上門收回單位。業主喺獲得判決書之後，需要申請收樓令狀，由執達吏執行法院命令收回欠租單位。所需時間會視乎唔同地區執達吏嘅排期，平均需要等1-2個月嘅時間。
雖然三個步驟看似簡單，但實際執行係比較繁複。中原測量師行租務管理服務，可以協助業主處理繁複嘅收樓申請程序。同時由揾租客到簽妥所有租賃文件，甚至出租後單位狀況，都有專人跟進，提供貼心嘅「全方位」租管服務。免費諮詢熱線 (852) 2139 6698與租務管理部聯絡。
---------------------------------------------------------------------
租務管理服務
Chill住收租，煩惱Say No！
Email：tenancy@mail.centanet.com | Whatsapp：(852) 5110 7006