租樓遇著窗台滲水 簽臨約後業主改口遲維修 租客點算好？
- 中原測量師行Centaline Surveyors
- 1天前
- 讀畢需時 2 分鐘
近日有租客分享租樓嘅慘痛經歷，話說租客睇中咗一個出租單位，當簽咗臨約後才發現業主改變修繕承諾，突然改口話處理滲水問題要外牆搭棚，等多兩個月之後先可以施工。原本業主承諾會盡快搞掂，點知依家遲兩個月先維修。租客擔心單位滲水會惡化，影響居住環境之餘、傢俬可能都會損壞，租客想取消租約，但就會撻訂造成損失，租客依家唔知點算好！
其實臨時租約都有法律約束力，要推翻租約，就要證明業主有失實陳述或誤導，例如能夠證明業主曾經承諾快速修復滲水問題，相關證據包括錄音、短信記錄、證人證詞等。如果只有租客口頭陳述，法官可能不採納。
另外，因為滲水問題推翻租約係比較難，假如租客相當重視滲水問題，就應該將要求寫入臨時租約當中。而且毀約（撻訂）可能面臨更嚴重後果，業主可能追討租金損失等，金額可能遠超兩個月按金。
不過，如果租客還未簽正式租約，其實都有補救方法。可以喺正式租約加入詳細條款，譬如要求業主喺特定日期前維修好滲水、負責損壞賠償，甚至約定維修不滿意可終止租約等。所以租客同業主，都唔好忽視臨時租約嘅法律效力，關鍵考量因素一定要寫入臨時租約。
如果業主同租客喺簽租約上有煩惱，中原租務管理團隊可以幫到你！我哋全方位「一站式」租務管理服務，包括協助處理租約文件條款、管理出租物業、代收租、代發租單收據、維修保養、解決租務糾紛等。再配合網上租務管理系統，業主同租客都可以隨時掌握物業單位大小事項。
萬一租客出現欠租情況，業主又唔識得處理，我哋都可以協助業主處理繁複嘅收樓申請程序、解決業主面對地獄租霸嘅煩惱！歡迎致電(852)2139 6698查詢。
---------------------------------------------------------------------
租務管理服務
---------------------------------------------------------------------
追討欠租, 收樓服務
Chill住收租，煩惱Say No！
Email：tenancy@mail.centanet.com | Whatsapp：(852) 5110 7006
Commenti