租客聲稱係一間食店嘅老闆，而且衣著打扮整潔，言談有禮。假如你係業主，你會唔會出租畀佢呢？
其實每個租霸嘅言語偽術能力都相當高，近日有業主遇到一個租霸，租客聲稱自己係一間食店嘅老闆，而且雙方見面對答時言談非常有禮，衣著打扮又相當整潔，但偏偏佢就係租霸。原因係業主並冇完全核實租客嘅背景資料、收入情況，同時租客利用自己嘅言語偽術，自誇食店有幾好，營業額有幾高，自己爲人有幾好等，慢慢得到業主嘅信任。
當租客入住單位3個月後，就開始欠租。業主上門追租時，發現單位電器畀租客破壞整爛曬，更被租客反罵，自己唔會離開單位，情況相當匪而所思，業主都哭訴冇遇過咁離譜嘅事。業主只能利用法律途徑收回單位，同時後悔當時冇查清楚租客嘅背景資料，被租霸偽術所欺騙，後來得知租客嘅職業其實係清潔工人。
因此出租之前，絕對唔可以單憑租客嘅外表、聲稱職業或出一個好價錢，就認爲係好租客。必須要知道租客以下嘅資料，避免遇到租霸同時保障自己單位。
● 入住人數
● 入住租客嘅關係
● 工作背景，最好提供到入息證明（如糧單），情況許可下可致電租客任職公司確認身份
● 租客家庭背景
● 過往交租紀錄（如銀行結單）
● 係唔係有養寵物
中原測量師行租務管理服務，除咗可以幫助業主收取租金、代發租單、處理屋內保養、解決業主同租客嘅爭拗或租客欠租問題等，減少業主嘅煩擾之外。我哋更有提供租金保障同財物保險等服務，詳情可致電免費諮詢熱線（852）2139 6698向中原測量師行租務管理服務查詢。
資料來源：網上資訊/中原測量師行
----------------------------------------------
想了解更多租務管理服務，
歡迎致電：(852) 2139 6698
Whatsapp：(852) 5110 7006
Instagram：www.instagram.com/centalinesurveyors/
官方網站：www.centalinesurveyors.com.hk/
電郵：tenancy@mail.centanet.com查詢